६५ औं प्रहरी दिवसका अवसरमा १०१ जना प्रहरीद्वारा रक्तदान

Posted on: October 14, 2020 | views: 227 सुशासन संवाददाता

विराटनगर, असोज २८ । ६५ औं प्रहरी दिवस २०७७ को अवसर पारेर बुधबार एक नम्बर प्रदेश प्रहरी कार्यालय बिराटनगरको प्राङगणमा रक्तदान कार्यक्रयम गरिएको छ ।

नेपाल रेडक्रस सोसाईटी मोरङ शाखा अन्तरगतको क्षेत्रीय रक्त सेवा विराटनगरको उपस्थितिमा प्रहरीले रक्तदान गरेको हो । पछिल्लो समय कोभिड-१९ का कारण देशैभर रगतको कमी भईरहेको बेला रक्तसञ्चार सेवामा रगत अभाव नहोस भन्ने हेतुले एक नम्बर प्रदेश प्रहरी कार्यालय बिराटनगरले ६५ औं प्रहरी दिवसको अवसर पारेर रक्तदान गरेको हो ।

रगत अभावका कारण विभिन्न अस्पतालमा पुर्याईएका बिरामीहरुको उपचारमा समेत समस्या भईरहेको बेला यस कार्यलयमा रक्तदानको कार्यक्रम चलिरहेकै समयमा कोशी अस्पताल बिराटनगरमा एक महिलालाई तत्काल रगत आवस्यक परेको जानकारी पाए लगत्तै रक्तदान स्थानबाटै उक्त बिरामी महिलाका लागी रगत उपलब्ध गराईएको थियो ।

आज भएको रक्तदान कार्यक्रममा १०१ जना प्रहरी अधिकृत तथा जवानहरुले रक्तदान गरेका थिए ।


Share your thoughts!