छुट्टाछुट्टै दुर्घटनामा पाँच जनाको मृत्यु

Posted on: July 08, 2020 | views: 170 सुशासन संवाददाता

काठमाडौं, असार २४ । रुपन्देही, काभ्रे, चितवन, धादिङ र बारामा भएका छुट्टाछुट्टै सवारी दुर्घटनामा परी ५ जनाको मृत्यु भएको छ ।

प्रहरीका अनुसार रुपन्देहीको माँयादेबी गाउँपालिका-५ मकरीस्थित सडकमा मझगावाबाट भैरहवातर्फ जाँदै गरेको लु.३४ प ३४२५ नम्बरको मोटरसाइकल आफै अनियन्त्रित भई मंगलबार दिउँसो दुर्घटना हुँदा चालक सियारी गाउँपालिका-४ पर्सौनी बस्ने ३३ वर्षीय रिजमान अहमद मुसलमानको मृत्यु भएको छ । दुर्घटनामा गम्भीर घाइते भएको उनको भिम अस्पताल भैरहवामा उपचारको क्रममा मृत्यु भएको हो ।

यसैगरी काभ्रेको बनेपा नगरपालिका-४ शेरास्थित सडकमा बा.१ क ९२३६ नम्बरको मिनि टिपर अचानक ब्रेक फेल भई मंगलबार दिउँसो दुर्घटना हुँदा टिपरका सह-चालक भक्तपुर सूर्यबिनायक नगरपालिका-७ बस्ने १८ वर्षीय सुजन वाग्लेको मृत्यु भएको छ । दुर्घटनामा गम्भीर घाइते भएका उनको शिर मेमोरियल अस्पताल बनेपामा उपचारको क्रममा मृत्यु भएको हो । टिपर चालकलाई प्रहरीले नियन्त्रणमा लिएको छ ।

यसैगरी चितवनको भरतपुर महानगरपालिका-२९ मुग्लिङ नारायणगढ सडक-खण्डको खहरे भन्ने स्थानमाहाल नम्बर नखुलेको सवारी साधनको ठक्करबाट हाल नाम, थर, वतन नखुलेका अन्दाजी ३० वर्षीय पुरुषको बुधबार बिहान घटनास्थलमै मृत्यु भएको छ । ठक्कर दिने सवारी साधनको प्रहरीले खोजी गरिरहेको छ ।

यसैगरी धादिङको धुनिबेशी नगरपालिका-९ खत्रीपौवास्थित सडकमा बा.४ ख ३१०४ नम्बरको टिपरको ठक्करबाट पैदलयात्री काठमाडौं नागर्जुन नगरपालिका-३ बस्ने ४० वर्षीय महेश श्रेष्ठको बुधबार बिहान घटनास्थलमै मृत्यु भएको छ । हाल फरार रहेका टिपर चालकको प्रहरीले खोजी गरिरहेको छ ।

यसैगरी बाराको जितपुर सिमरा उपमहानगरपालिका-१ स्थित सडकमा ना.५ख५४१ नम्बरको ट्रक आफै अनियन्त्रित भई सडकबाट अन्दाजी २५ फिट तल खसेर बुधबार बिहान दुर्घटना हुँदा ट्रकमा सवार रौतहट माधव नारायण नगरपालिका-१ बस्ने २० वर्षीय पवन जैसवालको घटनास्थलमै मृत्यु भएकोछ ।दुर्घटनामा घाइते भएका ट्रकका चालक सुनसरी चक्रघटीनगरपालिका-७ बस्ने २८ वर्षीयहिरन मगरकोअल्पाईनअस्पताल सिमरामा उपचार भइरहेको छ ।


Share your thoughts!