जुवातास खेलिरहेको अवस्थामा छुट्टाछुट्टै स्थानबाट २५ जना पक्राउ

Posted on: June 11, 2019 | views: 164 सुशासन संवाददाता

काठमाडौं, जेठ २८ ।  प्रहरीले जुवातास खेलिरहेको अवस्थामा छुट्टाछुट्टै स्थानबाट २५ जनालाई पक्राउ गरको छ । 

काठमाडौं महानगरपालिका-६ बौद्ध रामहिटीस्थित छिरिङ लामाको घरमा जुवातास खेलिरहेको अबस्थामा रामहिटी बस्ने मकवानपुर हेटौंडा उपमहानगरपालिका घर भएका ३३ वर्षीया रेवती लामा समेत ७ जनालाई नगद ३३ हजार २ सय ८५ रुपैयाँ र ३ बुक तास सहित सोमबार दिउँसो प्रहरीले पक्राउ गरको छ । जुवातास खेलिरहेको भन्ने खबर प्राप्त हुनासाथ महानगरीय प्रहरी वृत्त बौद्धबाट खटिएको प्रहरीले टोलीले उनीहरुलाई पक्राउ गरेको हो ।

काभ्रे, बनेपा नगरपालिका-१ टुकुचा बस्ने ३४ वर्षीय योगेश श्रेष्ठको घरमा जुवातास खेलिरहेको अवस्थामा योगेश समेत ५ जनालाई नगद १ लाख ७१ हजार रुपैयाँ र १ सय ६० पिस तास सहित सोमबार राति प्रहरीले पक्राउ गरेको हो ।जुवातास खेलिरहेको  भन्ने खबर प्राप्त हुनासाथ ईलाका प्रहरी कार्यालय बनेपाबाट खटिएको प्रहरीले उनीहरुलाई पक्राउ गरेको हो । कास्की, पोखरा महानगरपालिका-१३ लामादहरा बस्ने ४३ वर्षीय राजु तामाङको घरमा जुवातास खेलिरहेको अवस्थामा राजु समेत ७ जनालाई नगद २५ हजार ४ सय ९५ रुपैयाँ र ३ बुक तास सहित सोमबार बेलुका प्रहरीले पक्राउ गरको छ । 

जुवातास खेलिरहेको भन्ने खबर प्राप्त हुनासाथ वडा प्रहरी कार्यालय रामबजारबाट खटिएको प्रहरीले उनीहरुलाइ पक्राउ गरेको हो । साथै कास्की, पोखरा महानगरपालिका-५ मालेपाटनस्थित होटल बाँसघारीमा जुवातास खेलिरहेको अवस्थामा सोही ठाउँ बस्ने ३० वर्षीय दिपसन गुरुङ समेत ६ जनालाई नगद ५२ हजार ६० रुपैयाँ र ४ बुक तास सहित सोमबार बेलुका प्रहरीले पक्राउ गरेको छ । उनीहरूलाई जिल्ला प्रहरी कार्यालय कास्कीबाट खटिएको प्रहरीले पक्राउ गरेको हो ।

यस सम्बन्धमा स्थानीय प्रहरीले थप आवश्यक अनुसन्धान गरिरहको छ ।

Share your thoughts!